ჩვენ წარმოვადგენთ პროგრამული კოდისა და წერილობითი მასალის შემქმნელთა თავისუფალ ერთობას, რომლის მიზანიცაა  მოწყობილობის, ბრაუზერისა და პლატფორმისაგან დამოუკიდებლად, სასარგებლო მასალების შექმნა ინტერნეტის გასაუმჯობესებლად. ყველას აქვს შესაძლებლობა შემოიტანოს თავისი წვლილი და ყოველი ასეთი წვლილი ჩვენ გვაძლიერებს. ერთად ჩვენ შეგვიძლია ინტერნეტის განვითარებისთვის ბიძგის მიცემა, რათა თითოეულმა კიდევ უფრო კარგი შედეგი მივიღოთ. ეს აქ და ახლა იწყება, თქვენთან ერთად.

MDN-ის ყოველი ნაწილი (კოდი რომლითაც მუშაობს საიტი, მასალები, მაგალითების კოდის შესასწავლად და საჩვენებელი ვერსიები)  შექმნილია ამ ერთობის წევრების მიერ. ყველას ძალუძს დახმარება, იმედია თქვენც შემოგვიერთდებით!

3 მარტივი საფეხური MDN-ისაკენ

 

MDN არის ვიკი, სადაც ყველას შეუძლია შიგთავსის დამატება და შესწორება. არაა აუცილებელი რომ პროგრამისტი იყოთ ან კარგად იცოდეთ ტექნოლოგიები. უამრავი რამეა გასაკეთებელი, დაწყებული უმარტივესი ამოცანებიდან, მაგალითად, ტექსტის გადაკითხვისა და ჩასწორებიდან, დასრულებული ურთულესით, მაგალითად,  API-ის დოკუმენტაციის შედგენით.

წვლილის შეტანა იოლი და უსაფრთხოა. შეცდომაც რომ მოგივიდეთ, მისი გამოსწორება ადვილია. თუ დარწმუნებული არ ხართ, როგორ უნდა გამოიყურებოდეს რაღაც ან თქვენი წერითი უნარი მოიკოჭლებს, მხრებს ნუ ჩამოყრით! ჩვენ გვყავს გუნდი, რომლის მოვალეობაცაა MDN-ის შინაარსის ხარისხზე ზრუნვა და მისი უზრუნველყოფა. ყოველთვის იქნება ვიღაც, ვინც შეასწორებს გაპარულ შეცდომას, გამართავს ნაწერს. გაგვიზიარეთ თქვენი ცოდნა და ენდეთ თემის სხვა წევრებს თქვენი ნამუშევრის გაუმჯობესებაში.

1-ელი საფეხური :  MDN-ანგარიშის შექმნა

MDN-ზე წვლილის შემოსატანად აუცილებელია MDN-ანგარიშის ქონა. დამატებითი ცნობებისათვის შეგიძლიათ ნახოთ სტატია როგორ შევიქმნათ ანგარიში. აღსანიშნავია, რომ MDN ანგარიშის შექმნამდე, გესაჭიროებათ GitHub ანგარიში, ვინაიდან შესვლისთვის ვიყენებთ GitHub-ს.

მე-2 საფეხური: ამოცანის შერჩევა

ახლა, როცა უკვე სიტემაში ხართ შემოსული, გაეცანით ამოცანების სხვადასხვა სახეებს ქვემორე სიაში და გადაწყვიტეთ, რომელი მათგანი გიზიდავთ ყველაზე მეტად. ამოირჩიეთ ამოცანა რომელიც მოგესურვებათ და დაიწყეთ წვლილის შეტანა.

მე-3 საფეხური: ამოცანის შესრულება

როგორც კი ამოირჩევთ ამოცანას, მოიძიეთ შესაბამისი გვერდი, კოდი ან მაგალითი და შეუდექით მის შესრულებას!

ნუ იდარდებთ თუ თავს სრულყოფილად ვერ ართმევთ, MDN-ის სხვა წევრები ჩაასწორებენ გაპარულ შეცდომებს. თუ გაგიჩნდებათ კითხვა, არ მოგერიდოთ, მოინახულეთ ერთობის გვერდი, დაგზავნის სიები ან სასაუბრო ოთახები საჭირო ცნობების მისაღებად.

თუ „ნამდვილად გაკეთებამდე“ გსურთ მოსინჯოთ თქვენი ძალები, ეწვიეთ ქვიშის მოედანს და გამოსცადეთ თქვენი შესაძლებლობანი. გთხოვთ, ძალების მოსინჯვა მაგ გვერდით შემოფარგლოთ. საჭიროების გარეშე, რათა უბრალოდ ნახოთ რა მოხდება, ნუ დაარედაქტირებთ გვერდებს; ეს საქმეს ურთულებს სხვა წევრებს ჩასწორება-გამართვაში და ხელს უშლის მათ ვინც უბრალოდ სასწავლად ან რაღაცის სანახავადაა შემოსული.

ამორჩეული ამოცანის შესრულების შემდეგ, ნუ მოგერიდებათ შეეჭიდოთ სხვა ამოცანებს ან იხილეთ კიდევ რისი გაკეთება შეგიძლიათ.

ამოცანათა შესაძლო სახეები

თქვენი ინტერესებისა და უნარებიდან გამომდინარე MDN-ზე წვლილი შეგიძლიათ რამდენიმე მიმართულებით შემოიტანოთ. თუ რამე ძალიან რთულად გეჩვენებათ, აირჩიეთ სხვა, უფრო ადვილი. ბევრ მათგანს მხოლოდ 5 წუთი (ხშირად უფრო ნაკლებიც) სჭირდება. ქვემოთ, ამოცანისა და მისი მოკლე აღწერის გვერდით, ფრჩხილებში ნახავთ ამ სახის ამოცანის შესასრულებლად საჭირო მიახლოებით დროს.

1-ელი შესაძლებლობა: მიყვარს სიტყვები

შეგიძლიათ გადახედოთ და შეასწოროთ არსებული წერილობითი მასალები, გაასწოროთ ან მიუთითოთ მართებული ჭდეები.

თუ თქვენი ამოცანაა გვერდების გადახედვა ან ახლის შექმნა, გთხოვთ გაეცნოთ მოცემულ სახელმძღვანელოს, რომელიც დაგეხმარებათ სტატიების გამართვასა და სრულყოფაში.
 

მე-2 შესაძლებლობა: მიყვარს კოდი

ჩვენ გვესაჭიროება კოდების მეტი მაგალითი! ასევე შეგიძლია დაგვეხმაროთ ჩვენი საიტის პლატფორმის (Kuma) აწყობაში!

მე-3 შესაძლებლობა: მიყვარს ორივე, სიტყვებიც და კოდიც

ამოცანების უმეტესობა საჭიროებს როგორც ტენიკურ, ასევე ენობრივ უნარებს,  რაც მოიცავს ახალი სტატიების წერას, ტენიკური საკითხების გადამოწმებას ან მასალების სათანადოდ გამართვას.

მე-4 შესაძლებლობა: მსურს MDN ვიხილო ჩემს ენაზე

ყველანაირი სახის მთარგმნელობითი სამუშაოები MDN-ზე შესრულებულია ჩვენი ერთობის წევრი არაჩვეულებრივი მოხალისეების მიერ.

მე-5 შესაძლებლობა: აღმოვაჩინე რამდენიმე შეცდომა, თუმცა არ ვიცი როგორ გავასწორო

სხვადასხვა ხარვეზების შესახებ, შეგიძლიათ წარადგინოთ მოხსენებები. (5 წუთი)

კიდევ რისი გაკეთება შეგიძლიათ MDN-ზე

დოკუმენტების ჭდეები და წვლილის შემტანები

ამ გვერდის შექმნაში, წვლილის შემტანები: G12r, wbamberg, tskapo
ბოლო განახლების ავტორი: G12r,